Klasse 2TPA Produksjon og industriteknikk til Tallinn.

 

Eit ganske nytt program som kallast Nordplus, er eit program som utvekslar elevar mellom dei nordiske og dei baltiske landa. Etter lang førebuing og kontakt med skulen i Tallinn bestemte vi oss for å søke midlar gjennom dette programmet. Søknad vart sendt innan fristen i mars 2008. So var det berre å vente på svar frå hovudkontoret i Stockholm. Men svaret let vente på seg. Programmet var ein del forseinka. Men i midten av september fekk vi endeleg svar og det var positivt. Søknaden var innvilga og no er pengane på veg til skulen.

Då står det att å planlegge reise, overnatting og tidspunkt for reise til Tallinn. Dette må sjølvsagt samordnast med skulen i Tallinn. Mest sansynleg blir dette i april månad 2009. Her vil elevane få kvar sin ”fadder” frå skulen i Tallinn. Det vil seie at ein elev frå vår skule får ein elev frå skulen i Tallinn å forholde seg til. I ettertid skal elevane frå Tallinn besøke vår skule og vere her i 2 veker.

Både lærarar og elevar ser fram til dette spanande prosjektet. Her får dei lære ein anna kultur og eit anna utdanningssystem. Prosjektet går ut på å samanlikne våre ulike utdanningssystem og kanskje lære litt frå begge land.

Me vil også takke Roger Kløvtveit, som er fylket sin internasjonale koordinator, for god hjelp med søknadsprosedyren.