Tysdag 31. mars vart såleis elevtalet i klasserommet til Vg1 Service og samferdsel dobla. Vi valde å setja fokus på entreprenørskap denne dagen for å visa nokre av emna vi arbeider med i programfaga våre. Vi sette saman 6 grupper, kvar med deltakarar frå Tangen Skule, Farnes Skule og Årdal vidaregåande skule. Elevane arbeidde i desse gruppene heile dagen med praktiske øvingar og arbeid.

Programmet var slik:

• informasjon om utdanningsprogrammet og omvising
• entreprenørskap - kva er det?
• REAL-øvinga "Konstruksjonar"
• REAL-øvinga "Etablering av eiga verksemd"
• Refleksjon og premieutdeling

Gruppe 3 fekk premie for beste forretningsidé. The Weedwacker & Co AS presenterte planar om å utvikla ein robot for hagestell; eit kreativt og nyttig konsept no når våren nærmar seg.

Elevane frå grunnskulane gav oss gode tilbakemeldingar og såg ut til å trivast hjå oss. Vi takkar for besøket og ynskjer ungdommane velkomne att!