Hopp til hovedinnhold

Teknologi- og industrifag

Tre elevar frå teknologi- og industrifag som koblar på ein vegg. Bilete viser ryggen på to jenter og andletet til ein gut. I bakgrunnen ser du resten av arbeidsrommet.

Teknologi- og industrifag er ei yrkesfagleg utdanning. Her kan du mellom anna lære meir om maskinar, produksjonsprosessar, automatisering og programmering av robotar. Etter 2 år i skule kan du søkje om læreplass for å ta fagbrev. Du kan også ta påbygging til generell studiekompetanse før eller etter læretida.

Kvifor velje teknologi- og industrifag?

I Årdal har me dyktige og engasjerte lærarar. Skulen har eit breitt og godt samarbeid med bedrifter innan fagområdet. Vi har samarbeidsavtalar med lokalt og regionalt næringsliv, og nyttar bedriftsbesøk og yrkespraksis som ein viktig del av opplæringa.

Skulen legg vekt på elevane sin trivsel og medverknad i skulekvardagen. Ein stor del av undervisninga er praktisk retta. Vi nytter moderne, teknisk utstyr i undervisninga og har gode verkstader på skulen. 

Entreprenørskap og arbeid med ungdomsbedrifter er eit satsingsområde hjå oss. 

Vg1 teknologi- og industrifag gir mange moglegheiter vidare. I Årdal kan du velje mellom vg2 kjemiprosess- og laboratoriefag og vg2 industriteknologi. 

Teknologi- og industrifag

To jenter på teknologi- og industrifag som står og ko
+
-
Se større bilde
To elevar frå teknologi- og industrifag som har praktisk økt.
+
-
Se større bilde
Heile klassen på teknologi- og industrifag sit på plassane sine i klasserommet og har undervisning.
+
-
Se større bilde
Bruk piltastene til å bla i bildene
Kjemiprosess- og laboratoriefag.

Årdal vgs er den einaste skulen i tidlegare Sogn og fjordane som tilbyr kjemiprosess- og laboratoriefag. Alle elevane våre har fått læreplassar hjå spanande bedrifter som blant andre, Equinor, Norsun og Elkem.

Dette er ei linje som eignar seg like godt for jenter som gutar, så lenge ein er glad i både teori og praktisk arbeid. Undervisninga er oppdelt i teoretiske og praktiske økter i eigen prosesshall. Noko av undervisninga går føre seg i øvingsfabrikken til Årdal Teknologipark. Opplæringa går i hovudsak ut på vedlikehald og styring av prosessanlegg, med praktiske øvingar. Det er fire veker praksis på vg2 kjemiprosess- og laboratoriefag.

Elevar frå kjemiprosess- og laboratoriefag jobbar med røyrriggen på verkstaden. Det er fire elevar som står rundt riggen. Ein av elevane trykkjer på kontrollpanelet, medan tre andre følger med.
+
-
Se større bilde
Elev frå kjemiprosess- og laboratoriefag produserer deksel til aluminiumsomnar for Hydro som er bestilt via elevbedrifta deira. Eleven har langt, lyst hår og og høyrselsvern, og står med ryggen mot kamera.
+
-
Se større bilde
Elevar frå kjemiprosess- og laboratoriefag på utplassering hjå Hydro Årdal. Dei sit saman på ein benk. I bakgrunnen ser du logoen til Hydro med selskapet sine verdiar omtanke, mot og samarbeid ved sidan av.
+
-
Se større bilde
Bruk piltastene til å bla i bildene
Industriteknologi

Om du går vidare frå teknologi- og industrifag til industriteknologi vil du lære meir om produksjonsutstyr og produksjonsprosessar, sveising, automatisk styring av maskiner og produksjonsutstyr, materialbearbeiding, samt feilsøking og reparasjon av teknisk utstyr og maskiner.

To elevar som jobbar på koplingsbrett.
+
-
Se større bilde
Elev som jobbar på dreiebenk.
+
-
Se større bilde
Elev som følgjer med på display på ein arbeidsmaskin.
+
-
Se større bilde
Bruk piltastene til å bla i bildene

Nesten alle elevane våre får lærekontrakt og me samarbeidar tett med lokalt næringsliv. Det er fire veker praksis på vg2 industriteknologi. 

På vilbli.no kan du lese meir om teknologi- og industrifag og vegen vidare. Der kan du også lese intervju med Martin Atle som har gått industriteknologi og no jobar som lærling.

Har du spørsmål?

Vi vil gjerne hjelpe deg. Kontakt avdelingsleiar.