Dersom du er over 25 år og ikkje har fullført vidaregåande utdanning før, har du rett til vaksenopplæring og kan få tilbod om gratis opplæring. Andre kan også søkje og kan få tilbod om opplæring dersom det er ledige plassar
Vaksenopplæring i Vestland
Vestland fylke gir tilbod om gratis vidaregåande opplæring for vaksne. Utdanninga kan føre fram til fagbrev, yrkes- eller studiekompetanse. Du kan også få realkompetansevurdering og studierettleiing hos oss. Alle tenester er gratis for deg med vaksenrett.
Vaksenopplæring på Årdal vidaregåande skule
Frå hausten 2024 vil vi starte opp ein vaksenopplæringsklasse på vg1 teknologi- og industrifag ved Årdal vidaregåande skule. Sluttkompetansen vil bli innanfor kjemiprosess- og laboratoriefaget. Det er ikkje bestemt korleis undervisninga vil bli organisert, men det kjem meir informasjon her når dette er klart.
- Du kan lese meir om teknologi- og industrifag her.
- På Vestland fylkeskommune si heimeside finn du ei fullstendig oversikt som viser kva skule som tilbyr kva fag i fylket.
- Du kan søke plass på vigo.no.
Lurer du på noko?
Dersom du har spørsmål kring vaksenopplæringsklassen på Årdal vgs kan du ta kontakt med rektor.