Gjennom Erasmus+ får seks elevar frå yrkesfag moglegheit til to veker med utplassering i ei utanlandsk bedrift etter påske. Dette er ein unik sjanse til å få internasjonal arbeidserfaring, utvikle deg fagleg og oppleve ein annan arbeidskvardag.
I fjor gjekk turen til Ludwigsfelde i Tyskland, der elevar fekk praksis hos Coca-Cola, Mercedes-Benz og Gestamp. Dei fekk bruke faget sitt i praksis, oppleve ein annan arbeidskultur og bli betre på både språk, samarbeid og sjølvstende.
Dette er ei moglegheit til å:
- få verdifull erfaring frå internasjonalt arbeidsliv
- utvikle deg fagleg og personleg
- bruke engelsk i ein ekte arbeidssituasjon
- få ei oppleving du vil hugse lenge
Elevar VG2 yrkesfag kan søkje.
Det blir arrangert informasjonsmøte for dei aktuelle klassane, der du får vite meir om Erasmus+, søknadsprosessen, aktuelle fag og bedrifter.